ma pe’ tte,
e perduoneme stu dialetto, voglio pregà. voglio
pregà ‘e fforse d’a natura, per esempio ‘o cielo,
‘a luna, e stelle e i pianeti ‘e ll’universo.

io nun te prumette niente e me metto scuorno
pre ‘e te parlà. e prego. prego ‘a pioggia, prego
‘o serpente, prego ‘nu fulmine, prego ‘o friddo

d’e notte mmiezz’o mare. prego arraggia, prego
‘o deserto, prego ‘a storia, prego ‘e pparole, prego
‘a cecità, prego ‘o suonno c’addiventa realtà.

e dint’o suonno parlo pecchè sent’e vvoce ‘e chi
sta ‘nfunn’o mare. ‘e ccriature chiagneno ancora.
m’addumanno comm’e possibile ‘na cosa ‘e chesta.

ca po’ sarebbe a lengua ‘e ll’uocchie e ll’anema
quanno ‘o cuorpo se ne more chin’e pecundria,
sarebbe a dicere a lengua ‘e chi nun parla bbuono.

ll’uommene ‘e chiesa e d’e religione m’hanno ditto
ca dio per esempio, parla bbuono, comme tutte chille
ca songo state profeti, apostoli e santi.

Yusuf tu ca rappresiente ‘o munno ‘e ll’urdeme; tu
ca suffrive ‘a qunno stive dint’a panza ‘e mammeta;
tu ca tiene ‘o core ‘nganno e sbatte dint’o Meditarraneo

tu sei ‘a preghiera e ate nun ce ne stanne e si ‘o dio tujo
nun te accarezza e nun te dice parole doce, guarda ‘e stelle,
e ‘a luna, pecchè llà ce truove ll’anema e ll’infelicità d’o poeta

nun saccio si t’hanno maie parlato ‘e Giacumino ‘o Ranavuottolo.
Isso ha sufferto assai, tutt’e soffrenze ‘e ll’essere umano, eppure
teneva di che sfamare ‘o cuorpo malandato e brutto, ma no ll’anema.

pirciò, si guard’a luna, e te cunsiglio d’a guardà, prega ‘o dio tujo,
ma ‘nu penziero ‘e ll’anema dedicalo ‘o conte Scartellato. io, ‘nvece
pe tte e ‘a ggente comm’a te, stasera esco for’o balcone e leggo:

L’Infinito

Sempre caro mi fu quest’ermo colle,

e questa siepe, che da tanta parte

dell’ultimo orizzonte il guardo esclude.

Ma sedendo e mirando, interminati

spazi di là da quella, e sovrumani

silenzi, e profondissima quïete

io nel pensier mi fingo; ove per poco

il cor non si spaura. E come il vento

odo stormir tra queste piante, io quello

infinito silenzio a questa voce

vo comparando: e mi sovvien l’eterno

e le morti stagioni, e la presente

e viva, e il suon di lei. Così tra questa

immensità s’annega il pensier mio:

e naufragar m’è dolce in questo mare.